Bawasan ang panganib ng pagkabulunan sa pagkain
Sa pangkalahatan, hindi dapat ibigay ang ibang mga pagkain sa mga batang mas mababa sa 5 taong gulang ang edad, kabilang na ang konjac (matigas) jelly, mga kakanin, fish ball, chewing gum, marshmallow, matigas o madikit na mga kendi, mga cube ng yelo, buong mani, at peanut butter at nut na palaman na maaaring kainin agad nang hindi ipinapahid.
Mga alituntuning maaaring gawin upang mabawasan ang panganib ng pagkabulunan mula sa mga piling pagkain na kinakain ng mga bata:
-
Hiwain ang mga matitigas na gulay (karot, pipino, atbp.) sa mga maninipis na stick;
-
Hiwain ang mga malalaki at matitigas na prutas (melon, mansanas, atbp.) sa maliliit na hiwa;
-
Palambutin ang mga prutas at gulay sa pamamagitan ng pagluto o pagdurog;
-
Balatan ang mga prutas at gulay;
-
Hiwain ang mga maliliit na prutas (ubas, cherry, berry, cherry tomatoes, atbp.) sa pang-apat na piraso;
-
Tignan mung may mga piraso ng mga buto o mga bato pag naghahanda ng mga prutas;
-
Balatan ang mga sausage at hiwain sila ng manipis; at
-
Hiwain ang mga tinapay sa maninipis na hiwa.
Ligtas na gawain habang kumakain
-
Siguraduhin na alerto ang mga sanggol at bata at umuupo ng maayos sa pambatang upuan o sa mababang upuan na angkop para sa kanilang taas habang sila ay kumakain. Iwasan ang pagsasalita o pagtakbo.
-
Kailangang bantayan sa lahat ng oras ang mga sanggol at mga bata habang sila ay kumakain upang makita ang mga unang senyales ng pagkabulunan at mapigilan itong lumala.
-
Tulungan ang mga sanggol at mga bata sa tamang pagnguya sa kanilang pagkain. Turuan sila kung paano ngumuya at lumunok ng tama, at siguraduhin na kumain sila ng mabagal.
Kailangang alam ng mga tagapangalaga kung ano ang dapat gawin kung ang bata ay nabubulunan. Naglimbag ang Tanggapan ng Pangunahing Pangangalaga ng Kalusugan ng Kawanihan ng Kalusugan (The Primary Healthcare Office of the Health Bureau) ng mga payo sa pangunahing pagtugon sa pagkabulunan ng mga bata (mababasa ito sa wikang Tsino lamang). Para sa mga batang dumaranas ng kahirapan sa paglunok dahil sa mga tukoy na kondisyong medikal, kailangang magsaayos ng espesyal na diyeta upang mabawasan ang antas ng panganib ng pagkabulunan. Mangyaring humiling ng medikal na payo mula sa isang speech therapist o iba pang mga dalubhasang katumbas nito.